خد بالك و انت رايح الانتر فيو

 شوية كلام مهم وانت لسه رايح الانتر فيو

 الطله الاولي مهمه جدا

 اول متروح اي شركه جديده وخاصة وانت رايح انترفيو مهم انك تكون ليك طلتك
 1- يعني نحس بثقتك بنفسك وفي فارق بين الثقه والغرور

 2- ونحس بانك جاي ومقدم علي شغل مش تايه وجاي صدفه ونلاقيك بتتكلم بصوره كويسه


 3- وتروح في موعدك ولو هتتاخر اعتذر

 4- ومهم اوي نحس بانك مش داخل ميتم ومكشر وتقفلنا اليوم لو ابتسامه خفيفه ياريت

 5- ويا سلام ولو مش هيضايقك تبقا عارف مين اللي كلمك ومين اللي ادالك ميعاد مش تيجي فاقد الذاكره مثلا

 6- ويا سلام وانت جاي تسال الاول هو مطلوب منك تيجي لابس فورمال ولا سيمي فورمال وخد بالك سيمي فورمال دا اقل حاجه بعني تي شيرت وجينز مش سيمي فورمال خالص

 7- لو حضرتك مش محتاج الشغل وجاي عشان تتعرف علينا وجاي تقولنا انتم كلمتوني فقلت اجي اشوفكم عايزين ايه دا مش كويس ليك خالص

 8- نضارتك والهاند فري بتاعتك مش للانتر فيو خالص

 9- الاكسسورات الكتير اللي بنسمع صوتها وانتي داخله علينا المكتب والشخلله دي مش للانتر فيو خالص

 10- والبرفيوم اللي بتحطوه مينفعش يكون فايح جدا لدرجه غير طبيعيه

 11- لو قررت تمشي عشان اتاخروا عليك لا قدر الله امشي بطريقه شيك وكويسه

 كل دي حاجات بتفرق صدقني معاك ومعانا فبلاش نخسر بعض من اول لقاء اه احنا اتعلمنا اننا مناخدش first impression عن اي حد بس دا بيخلي البدايه مش كويسه

 واتعلمنا برده ان ال
 interview start before the interview